هتفضل فى قلبى زى مانت من إبداعات الشاعر طه الروبى

هتفضل فى قلبى
زى مانت
مهما تبعد اوتغيب
ياريت تسيبك من المعانده
من النهاية معاك بجيب

لا بدارى عليك ولا اخبى
عشان إنت إللى ساكن قلبى
وفى هوايا ليك نصيب

مهما طال غيابك عنى
هتفضل إنت إللى شاغلنى
يمكن بختى يمكن قدرى
ليك فى يوم يجيب

عارف إن الصبر صعب
بس غيره مفيش بديل
بلاش تعيش فى خوف ورعب
أنسى حبك مستحيل
ولا غير هواك ليا يطيب

صح منك أيوه بزعل
بس فى قلبى صعب أشيل
النهاردة قبل بكره
بتمنى يحصل وصال وقرب
وبتمنى ظنى ما يخيب

هو دا نظام الحياة
ماشيه فى كل إتجاه
والنار هتطفي بعد ما كانت لهيب

من إبداعات
الشاعر
طه الروبى

يالى من الفقر مكسوف خجلان من إبداعات الشاعر طه الروبى

يالى من الفقر مكسوف
خجلان
مين إللى قال الفقر عيب
ولا يتعاير بيه الإنسان
الغنى والفقر قدر ربك
وفعل القدر نافذ على الإنسان

كتر الفلوس والمال
مش دليل على الراحة
والسعادة
ناس كتير عندها أموال
لكن مشاكلهم زيادة
إللى مريض واللى مش مرتاح
فى البيت
واللى من كتر المشغولية
صابه الجنان
لما تكون فقير وراضى بحالك
أحسن بكتير من إنك
من الحرام تعيش وتعيش ولادك
وعمرك مهتكون كسبان

الفقر مش عيب
العيب قلة الأخلاق
الفقر مش فقر الجيب
الفقر فقر النفس من الأخلاق
ومد اليد لفلان وعلان
عمر الفقر ماكان عيب
العيب قلة الأخلاق
والسخرية من الغير والاستهزاء
وبين الناس تفتن وتخلى
النار بركان

يالى من الفقر مكسوف
خجلان
فيه غيرك كتير محتاج
وبيعانى من قلة الأرزاق
وممكن كمان يبات جوعان
ليه من الفقر مكسوف
وليه جوا منك ضعف وخوف
الغنى والفقر كله بيد ربك
الرحمن

النبى خير البشر كان فقير
وكان بينام على الحصى
والحصير
لا اشتكى من الفقر ولا يوم
منوا كان زعلان
ولا كان منوا مكسوف خجلان

من إبداعات
الشاعر
طه الروبى

كل ناجح ليه أعداء حاجة مش محتاجة ذكاء من إبداعات الشاعر طه الروبى

كل ناجح ليه أعداء
حاجة مش محتاجة ذكاء
إللى حاقد واللى حاسد
واللى بيتعامل بغباء

كل ما تنجح وتكبر
حواليك الأعداء بتكتر

الحقود والحسود جوا
قلبه فيه سواد
مخليه زايد غباء

الحقود والحسود
جوا منوا مش سليم
كله سواد وظلمة وضيم
وفى الخير قليل العطاء

كل ناجح ليه أعداء
ليل نهار متربصين
بس ربك أعطاك الوقاء

الحقود والحسود
هيفضل لما يموت بغيظه
لا هينفعه حقده ولا هيفيده
وهيعيش طول عمره
فى شقاء

كل ناجح ليه أعداء

من إبداعات
الشاعر
طه الروبى

اتحمل نتيجة كلمتك….من إبداعات الشاعر طه الروبى

اتحمل نتيجة كلمتك
ودارى فى عينك دمعتك
وبلاش تقول آسف

معدش يفيد بينا اسف
كل إللى كان بينا اتنسف
والهدم كان من فكرتك

اتحمل نتيجة كلمتك
مهما كان حجم الألم
بكره هيثبت الزمان
مين ظالم ومين اتظلم
وساعتها بس هتعترف
بالحقيقة وغلطتك

اتحمل نتيجة كلمتك
خليك شجاع
وبلاش تبكى من جديد
على إللى ضاع
وهتبكى ليه وانت إللى
طلبت الفراق والوداع
وكل شيئ كان برغبتك

اتحمل نتيجة كلمتك
وبلاش تقول كان غصب
عنى
بلاش تقول مكنش لحظة
فى نيتك
إنت تهاجمنى
فاكر عليا هتخيل دمعتك

اتحمل نتيجة كلمتك

من إبداعات
الشاعر
طه الروبى

إنت إللى طلبت وأنا نفذت…من إبداعات الشاعر طه الروبى

إنت إللى طلبت
وأنا نفذت
لا تأخرت ولا كسلت
يبقى ليه بتلمنى

حاولت ياما أصبر فيك
حاولت ياما أفهم فيك
إنت إللى بسرعة استعجلت

جاى بتلمنى وهو قرارك
وبيدك نهيت مشوارك
ياريتك تكون اتعلمت

ياما ليك أنا قلت اتمهل
بلاش تتعجل او تستعجل
بس إنت تبعت الشيطان
وفى النهاية بقيت خسران
مش من الصح تلمنى

مش هقولك إنت انسانى
بس صعب هنرجع تانى
فعلك إنت كسرنى

لا قدرت إنى كنت فى
شدة
ولا عملت حساب لمودة
فجأة بسرعة أخدت قرارك
ومعايا نهيت مشوارك
خلتنى أحس إنك مسجون
وللافراج مشتاق بجنون
فعلك بجد قهرنى

كنت ممكن إنى اعاند
اماطل الاوع واجى على
عندك
كل دا أنا معملتوش
رغم إن إنت ظالمنى
يبقى ليه بتلمنى

من إبداعات
الشاعر
طه الروبى

كل يوم بتشد ليك من إبداعات الشاعر طه الروبى

كل يوم بتشد ليك
عن اليوم إللى عدى
كل يوم فى قلبى ليك
بتزيد المودة

كل يوم بتمنى أشوفك
وكفوفى تلمس كفوفك
وعيونى تيجى فى عيونك
يالى هواك جاب فيا وي ودا

كان نفسى أقولك من
زمان
إنك شاغلنى
وكنت بتمنى كمان
نفس الشعور إنت
تبادلنى
وتبادلنى الشوق والمودة

ليا مدة وأنا فيك بفكر
ازاى لقلبك أقدر أوصل
وعقلى كان بيقولى اصبر
وقلبى يقول مش حاجة
صعبة
روح وقوله إنك هاويه
صارحه بحبك إنت ليه
والجواب هتلاقى ردا

كل يوم بتشد ليك
عن اليوم إللى عدى

من إبداعات
الشاعر
طه الروبى

حبيتك وهويتك واصبحت الفرح ليا من إبداعات الشاعر طه الروبى

حبيتك وهويتك
واصبحت الفرح ليا
ومش عايزك عنى
تبعد
ولا يوم تغيب عليا

عايزك حبيبى جنب
مني
عايزك تحس حبى
وانت لامس اديا

واسمع كلمة بحبك
أسمعها فى دق قلبك
وانت بتبص ليا

عايز أشوف بسمة
شفايفك
وانت شايفنى وأنا شايفك
من غير خجل وكسوف
ولا خوف حواليك بيطوف
ولا خوف من المسؤلية

حبيتك وهويتك
وكان السبب طيبتك
وارتحت ليك من أول
ما قابلتك
واتمنيتك تبقى ليا

تعرف ياحبيبى لما
بتكلم معاك
الوقت بيفوت عليا
وأنا عايش فى هواك
وبتخيلك ادام عنيا
حضنك فى حضنى
وخدك لامس خدى
وماسك اديا

حبيتك وهويتك
بجد مش كلام
وعشانك ياحبييى بقول
كمان الكلام
ياريتك تحس بيا

وتعرف وتتأكد إنى
مشتاق أشوفك
وأعرف إيه ظروفك
النهاردة قبل بكره
الصبح قبل المغربية

خلينا نعيش
أد إللى راح مفيش
فى العمر ياحبيبى
فى أيامنا إللى جايا

حبيتك وهويتك
وأصبحت الفرح ليا

من إبداعات
الشاعر
طه الروبى

المصدر: حبيتك وهويتك واصبحت الفرح ليا من إبداعات الشاعر طه الروبى

لو مش واثق فيا من إبداعات الشاعر طه الروبى

ربما تحتوي الصورة على: ‏‏‏الشاعر طه الروبى‏‏، و‏‏وقوف‏‏‏

لو مش واثق فيا
ولا مطمن ليا
خلى أسرارك جوا فى قلبك
خلى أسرارك جوا مكنها
بلاش تحكيها وليا تقولها

لما سألتك عن اوجاعك
قلت مفيش
بس فى عينك واضح باين
إنك فى متاعب بتعيش

ونبرة صوتك لما بتتكلم
بشويش
بتقولى دى حاجة عادية

لو مش واثق فيا
ولا مطمن ليا
من بدايتها بلاش تكشف
سرك ليا

لو لساك متردد تحكى
خلى طيفك مايقوليش
كل يوم ي صلنى إحساس
جواك حاجة ما حاملهاش
وتعبان منها انت شوية

لو مش واثق فيا

من إبداعات
الشاعر
طه الروبى

المصدر: لو مش واثق فيا من إبداعات الشاعر طه الروبى

حكم القدر بوداع وفراق من إبداعات الشاعر طه الروبى

حكم القدر بوداع
وفراق
بعد قصة عشق وغرام
كتب علينا دموع
وبكاء
وقلبى وقلبك دوبهم الحنين
والاشتياق

حكم علينا القدر
كل منا يروح طريق
ويكمل لوحده سكته

وغير حبيبه يشوف رفيق
ويرضى منوا ب أ ى عطاء

لا يقول كتير ولا قليل
ويستحمل مرار الدواء
ويخلى سره جوا منوا
لا يحكى منوا ألف ولاباء

ولو يوم ذل اللسان يطلب
لقلبه الشفاء

حكم القدر بوداع وفراع
وبينا الأمور تنتهى
ونستبدل الحب بجفاء

والقلب إللى كان فرحان
يبقى حزين من الإعياء

حكم القدر بفراق ووداع
والحلم إللى كان موجود
فى لحظة وغمضة عين
اتهدم من الأساس وضاع
ورجعنا لعهد المعاناة من
الأوجاع

لا ظل تحت الشجر
ولا فى ليل طالع نور
للقمر
ومن السواقى جف كمان
الماء
حكم القدر بوداع وفراق
وكل منا يمشى فى طريق
ويغير صيغة الأوراق
بعد أما كان العنوان
عشق وغرام وحب
أصبح بعد وجفا وجروح
ما لهاش دواء

حكم القدر بوداع
وفراق

من إبداعات
الشاعر
طه الروبى

لو حكايتك مش حكايتي ليه أهتم بيك من إبداعات الشاعر طه الروبى

لو حكايتك مش حكايتي
ليه أهتم بيك
ليه أطلب وصالك
وأبقى ملهوف عليك

حكايتنا ياشاغلنى
ليها مدة من الزمن
قبل مايجمعنى بيك

لو بتعيش آهات
أنا زيك عشت فيها
لو جواك حجات
كتير عندى مداريها
ولو أمرك مش فى يدك
حاجة متعود عليها

صورة من حياتك
حياتى يا شاغلنى
ودا إللى معلقنى بيك
ودا إللى محببنى فيك

نفس ظروف حياتنا
متشابها ياشاغلنى
حتى أسباب اهاتنا
واللى تاعبك تاعبنى
وماضيه صورة لماضيك

خلينا ببكره نحلم
ونعيش فى وقت أجمل
بكره ليا وليك

لو حكايتك مش حكايتى
ليه أهتم بيك

من إبداعات
الشاعر
طه الروبى

خلى القلب جامد ياسمارة من إبداعات الشاعر طه الروبى

خلى القلب جامد
ياسمارة
خلى القلب حديد
ليه مرعوبة وليه
منهارة
ودموعك بتزيد

دا إحنا حتى بلديات
وبينا شبه كتير فى
حجات
مفيش داعى للتفصيل
معروفة بالتحديد

سيبي الناس تتكلم
لا هنخضع ولا هنسلم
سيبي اشواقنا تزيد

خلى القلب جامد يالسمارة
خلى القلب حديد
ليه الفزع وليه الخوف
كله أشواك طريقنا
معروف
وضع عليه لازم نتعود
وصعب عنوا إن إحنا
نحوود
ولا يشغلنا التهديد

هيحصل ايه أكتر من
الحاصل
كفاية الحظ عنيد
كل ما نمشى طريق
الفرح
نرجع منوا بألم وجرح
واحزانه زيادة تزيد

خلى القلب جامد يا
سمارة
خلى القلب حديد

من إبداعات
الشاعر
طه الروبى

نادت عليا بصوتها العذب الجميل من إبداعات الشاعر طه الروبى

نادت عليا بصوتها
العذب الجميل
ولكنى تجاهلت النداء

كى تعيده من المرات
الكثير
ولكنها ظنت فى نفسها
أنه مني. استعلاء
فاتراجعت خطوات للوراء

قلت لها لما البخل فى
العطاء
زيدني من عذب الألحان
لحنا
فاعزف لحنكي لدائ شفاء

تبسمت وهمت تمد كفيها
ولكنها تراجعت خجلا وحياء

قلت لها مالخطب
لا تزيدي عنائ عناء

قالت الشوق زايد
والوصل هو الدواء
قلت لها مما تشتكين اشتكى
حتى أصابنى الإعياء

قالت ولما لا تبوح
ولو بنظرة فى لقاء
قلت لها خشيت أن يكون
القلب مشغول ليش فيه
فضاء
قالت هو لك سكنا 
فرشا وغطاء

قلت لها هل كنتي واثقة
اننى سأقبل منكي العطاء

قالت للشوق بين قلوب
المحبين علامات

قلت لها وكيف؟
أيها الزهرة الحسناء

قالت نظرات العيون
توحي أنك لا ترد العطاء

قلت لها الحب يحتاج
إلى صدقا ووفاء

قالت اتظن من أتتك بنفسها
وصارحتك بحبها
تحمل لك فى قلبها البغضاء
بل كل الخير ورد العطاء
بالعطاء

من إبداعات
الشاعر
طه الروبى

يا هدوء الليل مهلا جئتنا بعد إنتظار من إبداعات الشاعر طه الروبى

يا هدوء الليل مهلا
جئتنا بعد إنتظار

وأصبحت حرا طليقا
بعد وقتا من الحصار

بين عملا وكدا وعناءا
بالنهار
بمجيئك نرفع للراحة
الشعار
اجمع الخلان حولى
ونتجاذب أطراف الحوار

ومن لا يأتي فى المعاد
فور وصوله يعجل بالاعتذار

حين فيك نجوم الليل تظهر
تجعل الحضور فى سعادة 
وانبهار

وحين يكون القمر بدرا
نضرب لك دفا وطار

نتذكر فيك الذكريات
وننسى فيك نصب النهار

نفترش الأرض لا نبالى
بما يحدث الأبدان من 
أضرار

وحين يزداد الظلام
نفتش فى خزينة الأفكار

عن هوى يشعل الأجواء
نار
وإن كان المحبوب حاضر
يكن عن العشق الحوار

وإن كان فارق الأحباب غائب
نرسل له مع النجمات رسالة
ودا
ونوجز له فى المقال

فاخير الكلام قليله
حين يكن فى الحوار

من إبداعات
الشاعر
طه الروبى

يا حبيبى ليك بغنى من إبداعات الشاعر طه الروبى

يا حبيبى ليك بغنى
غنوة الحب فى غيابك
يالى واخد حته مني
وقلت دى مني منابك
ليه الجفا وليه التجني
وأنا برى من إللى صابك

إللى صابك من عمايلك
كنت فوق كفوف الراحة
شايلك
وجا الوقت تنول عقابك

يا حبيبى ليك بغنى
غنوة الحب فى غيابك
وصورتك فى عينى تملى
وزايد عذابى بعادك

ومهما كان تعبى هصبر
مش هقولك يوم فين
ثوابك
مش بيدى أعيش فى
ذكرى
وكل يوم تزرنى فكرة
بيها ممكن أدق بابك

بس دا مش هيحصل
عندى أهون أموت وافضل
من العذاب اقلل منابك

صح واخد مني قلبى
بس دا حكم ربى
مني أخدك وليا جابك

يا حبيبى ليك بغنى
غنوة الحب فى غيابك

من إبداعات
الشاعر
طه الروبى

العناد طريق المخاطر من إبداعات الشاعر طه الروبى

العناد طريق المخاطر
يالى نفسك انت فاكر
هتكمل فيه للنهاية
كان غيرك اعند وشاطر
وفى الخداع كمان حكاية

رجع من بعد خطوة
وحاول. يكمل معايا
بس كان الوقت عدى
وكتب بيده النهاية

العناد مش فى صالحك
لو فاكرنى فى يوم هصالحك
متحاولش كتير معايا
متحاولشى من جديد معايا

لا عندى رغبة ولا عندى
نية
عندى خلصانة الحكاية

هات القلم وهات الدواية
وسجل كلامى عليا
إنتهت عندى الحكاية

العناد طريق مخاطر
يالى نفسك انت فاكر
هتقدر تكمل للنهاية
معرفتش تحسبها صح
روح طهر نفسك من الخطايا

خليك معاند زى مانتا
صعب هاكل من الاونطة

لو هتقولى على الحقيقة
فيه اكتر من طريقة
بيها تكسب رضايا
وتاخد مني عينى
فى الرضا ولا شيئ بيفرق
معايا
بس عيب تكدب عليا
وأنا ابو المفهومية
كنت بعديها بمزاجى
وسبتك تلعب معايا
لما اشوف المرسى فين
وفين الشط والنهاية

من إبداعات
الشاعر
طه الروبى

خلاص يا صاحبى بينا إنتهى المشوار من إبداعات الشاعر طه الروبى

خلاص يا صاحبى بينا
إنتهى المشوار
معدش وقت نضيعوه
فى لعب او فى هزار

كل مرة تقولى اصبر
وكل يوم الحمل يكبر
ولا حصل فلاح فى أى
حوار

مشينا ياما كتير مشاوير
وضيعنا فيها وقت كتير
وبنلوم ونعتب على 
الأقدار

سيبها لظروفها خليك 
عايفها
فى اللعب دا محناش شطار

طالما الحظ معاكس الدنيا
معانا هتواكس
والدهب لو فى ادينا
هيتقلب طين وفخار

خلاص يا صاحبى كفاية
نفض لأى حكاية
معدش يجمعنا مسار

خليك فى حالك وشيل
مشالك
وأنا فى حالى هكون
احنا معدش أطفال

إللى فات اهو فات
شبعنا فيه حوارات
وخلصت الأعذار

متقولشى تانى نجرب
عشان بقيت مستغرب
بتجيب منين أفكار

وعلى كل فكرة تقولى
نهايتها خير وعمار
وهيجي منين الخير
وإحنا غلطنا كتير
وكأننا أطفال

خلاص ياصاحبى بينا
إنتهى المشوار

من إبداعات
الشاعر
طه الروبى

ياطير بلغ من رحل مني السلام من إبداعات الشاعر طه الروبى

ياطير بلغ من رحل
مني السلام
ما طاب عيشا بعده
وما ذاق القلب راحة
فى منام

فى كل شيئا أرى طيفه
حتى فى وسط الزحام

وفى الاذنين صدى صوته
يزيد عند حلول الظلام

يزيد فى وقت السحر
وأبقى وحيدا ومن حولى
نيام

يا طير بلغ من رحل
الدمع عينى مارحم
ولا قلبى عن الشوق 
صام
اهات العقل فى ازدياد
ما طفلا رضيعا فى بداية
عهد الفطام

يا طير بلغ من رحل
بأن عقلى وقلبى فى
صدام
فالقلب غارق فى الهوى
والعقل رافض الاستسلام
والعين تدمع نازفة للدمع
حتى فى وقت المنام

ياطير بلغ من رحل
مني السلام

من إبداعات
الشاعر
طه الروبى

لما بقولك بحبك يعنى زاد الشوق جوايا من إبداعات الشاعر طه الروبى

لما بقولك بحبك يعنى
زاد الشوق جوايا

يعنى مش قادر 
اصبر على بعدك
وحبى ملهش نهاية

يعنى عايزك مني تقرب
وتفضل جنبي وتبقى معايا

لما بقول إنى بحبك
نفسى ابوسك أنا من
خدك
ونفسى يدى تحضن يدك
واسمع همس ودقة قلبك

وتحكي ليا فى العشق
حكاية
وكل ما تخلص اقولك
قولى
وخلى غرامنا ليها بداية

خلى غرامنا يكون بدايتها
عشان يزود من حلاوتها
وتعيش نبض الحب معايا

لما بقولك إنى بحبك
يعنى فيه جوايا كلام
عايز اقوله بقلبى لقلبك

لما بقولك إنى بحبك

من إبداعات
الشاعر
طه الروبى

وليه كان السؤال من اصله من إبداعات الشاعر طه الروبى

وليه كان السؤال
من اصله
لما بتقول أنا أسف
بتغنى وترد على نفسك
ولون عنيك إللى جواك كاشف

كلمة أسف بتتقال لما
تكون غلطان

وليه كان السؤال
من أساس
لما سؤالك ملهش مقاس
وجهلك والغباء كاشف
واسلوب فى الحوار ناشف

اديتك فرصة تتكلم
وتتحاور وتتناقش
وجواك فاكرنى للجهل هسلم
وهبقى ليك فيه منافس

حدودك ياريت بلاش
تنسى
وياريت تعرف مكانك فين
وتعرف كمان العين والغين
ممكن تدفع ليهم تمن
يكون كل إللى بينا بقى
ناسف

عشان وياك بتساهل
هتشوف نفسك عليا 
يا جاهل
من طبعى البراح واللين
مهما كنت موجوع وحزين

عمرى على العيب متنافس
بس الحليم لو غضب
بيكون زى الحديد افش

من إبداعات
الشاعر
طه الروبى

أساس كل شيئ الحب من إبداعات الشاعر طه الروبى

أساس كل شيئ
الحب
لما يكون موجود

يزيل كل حاجز صعب
ويزرع مكانه وروود

ويدي الأمان للقلب
ويخلى الخوف مفقود

أساس كل شيء الحب
لما يكون موجود
أساس الأمان والود
بيقلل مسافة الرد
وبكل خير على القلوب
بيعود

الحب لما يكون صادق
مفهوش خداع ولا غش
وضحكة مصنوعة فى
الحضور والوش
بيصنع للأمل نسيج وخيوط

بيخلى الحياة تحلى
ولونها يكون أحلى
وبكل خير على القلوب
بيعود
الحب ملح الحياة
وبيخلى اليأس يكون
ضعيف الصوت

من إبداعات
الشاعر
طه الروبى

كنت فاكرنى سهل المنال من إبداعات الشاعر طه الروبى

كنت فاكرنى سهل
المنال
وعايز تحاصرنى
بحجة الوصال
بس إنتهى الموضوع
ولا فيش فاضل

كنت فاكرنى زى
زى باقى الناس
حد عايش وخلاص
ملهوش فى أى مجال
وجاى تلعب معايا لعبة
الأطفال
كل شيئ أنا ليا فيه
حتى إللى ملكش فيه
حتى الغربة والترحال

لفيت كتير بين البلاد
وعرفت من البشر
كتير أعداد
ولسه بعرف كمان مازال

عرفت إللى صادق
وعرفت المخادع
والندل والمحتال
والعلم شيئ ضرورى
فى كل ناحية ومجال

كتير أوقات بعمل نفسى
مش فاهم ولا عارف
بس وقت الجد بكون
زلزال
وقت الجد بعمل المطلوب
واللى عليه الكتاب قال
لا بكون خايف ولا مرعوب
من ردة الأفعال

لأنى عارف ومتاكد
غير نصيبى مش واخد
حقيقة مفهاش جدال

من إبداعات
الشاعر
طه الروبى

جايب إيه ياقدر بعد الجراح وياك من إبداعات الشاعر طه الروبى

جايب إيه ياقدر
بعد الجراح وياك
بعد الآهات والسهر
للضحكة والفرحة
بقيت محتاج

جايب إيه ياقدر
بعد الفرقة والترحال
والغربة فى وسط البشر
وانشغال البال
ارحمنى بترجاك

جايب إيه ياقدر
ليا تانى من الأهوال
عوزة وحوجة ومذلة
للاندال
ولا جراح الهوى
مكتوبة عليا مازال
نفسى ألاقى فكاك

من إبداعات
الشاعر
طه الروبى

يامن تقول القول مهلا من إبداعات الشاعر طه الروبى

يامن تقول القول
مهلا
لا تعجل بالكلام

فاخروج الكلام سهلا
ولكنه مثل السهام
وقد يصيب الغير سهما
ويكون سببا فى الصدام

لا تعجل بالقول ابدا
وعلى لسانك كن قويا
فى التحكم والاحتكام

فالطير حين يغادر
العش يرجع
بعد شبعا او عند حلول
الظلام
وإذا خرج الكلام لا يعود
وقد يكون زورا وبهتان
وتنول به الذنوب والاثام

يا عجول القول مهلا
واترك للعقل الاحتكام

وكن فى الصمت زائد
واخذ من الكلام بالجرام

لاتكن بالقول هابط
بل كن عالى المقام

رحم الله من قال خيرا
وتاب الله على من تساهل
فى الكلام

من إبداعات
الشاعر
طه الروبى

سمراء النيل يا بنت بلدى من إبداعات الشاعر طه الروبى

سمراء النيل يا بنت
بلدى
رمشك كحيل يا ورد
بلدى
فى الوقت العسير عونى
وسندى
وفى وقت الجهير ظلى
وبالرى مددى

سمراء النيل يابنت
بلدى
جواكي خير وقلبك
كبير
ومهما قلت وفيكي
وصفت مازال كتير
ما قلتهوش
من طباعك ياورد
بلدى

ياورد بلدى فى الصبح
فتح
وعطره فايح يشفى
العليل

ليكي التحية
وسلام كبير
يا أحلى صبية
وأجمل بنية
يابنت بلدى

سمراء النيل يا بنت
بلدى

من إبداعات
الشاعر
طه الروبى

البقاء لله فى الهوى من إبداعات الشاعر طه الروبى

البقاء لله فى الهوى
إللى بينا كان
مات واندفن وعملت
ليه ميتم كمان
واخدت فيه العزا
وأصبح ماضى كمان

واللى مات صعب يصحى
لأنه أصبح فعل كان
لأنه أصبح أمر كان
لأنه أصبح فى حكم
كان
ابكى مهما تبكى
لوم نفسك قبل
ماتلومني ولا تلوم الزمان

البقاء لله فى حبى
جاى بدور على إللى
مات
مات ليه مدة ومبارح
كان المعاد
رحمة الله على إللى كان

لسه جاى بتقول حنين
بتقول عيونك مشتاقين
وفاكر إنى هصدق
حد ملهوش أمان
وقت كان حبك فى قلبى
كان ليك مكان

بس الحب مات خلاص
وكمان فات الأوان

أى حاجة بينا كانت
زى كلمة زى صورة
مدفونة فى نفس المكان
جاى تانى فى إيه عشمان

عليا تضحك بكلمتين
ومحضر فى عينك دمعتين
وفى يدك كاس الحنان

البقاء لله فى حبى
يالى كنت بقول ياحبى
وياما راويتك حنان
والشوق كان والع نيران

بس انت إللى بيدك طفيته
انت حد ملهوش أمان

كسبت إيه لما داريت
والحقيقة عنى خفيت
بينى وبينك قفلت البيبان
بينى وبينك سكرت البيبان

روح لحد يكون هبيل
ولا مش محتاج دليل
او مش شاطر فى النشان

البقاء لله فى الهوى
إللى بينا كان

من إبداعات
الشاعر
طه الروبى

طلبت الوداع والانقطاع من إبداعات الشاعر طه الروبى

طلبت الوداع والانقطاع
بعد ما فى قلبى سكن
حبك
لله ربى اشتكى يصبرنى
على بعدك

طلبت الرحيل شيئ
كان وارد
وسبت البديل عذاب
قلبى من بعدك

طلبت الرحيل والانقطاع
وباعت رسالة تقول وداع
أتمنى ليك الخير يكون
حليف دربك
عشان بحبك

طلبت الرحيل والانقطاع
وسبت ليا فوق جراحى
جراح جديدة
كنت فى غنى عنها
وياما هربت منها
وروحى منها كانت شريدة
عنى كتير كانت بعيدة
وكان السبب منك

طلبت الوداع والانقطاع
براحتك بكيفك
اختار طريقك سكتك
اختار مضيفك
مش هسالك زيى مين
حبك
طلبت الوداع والانقطاع
دا شيئ راجعلك
بس رجاء مني بلاش
تعند مع قلبك
ومش عايزك تانى ترجع
تدور على إللى ضاع

طلبت الوداع

من إبداعات
الشاعر
طه الروبى

بهديك الورد مني يا حب غالى من إبداعات الشاعر طه الروبى

بهديك الورد مني
يا حب غالى
ومهما تغيب شاغلنى
وصورتك فى خيالى
بس إيه بيدى انت اخترت
عندى
ورافض إجابة سؤالى
صعب أكون ناسيك
مهما بعدت عنى
انت اخترت عندى
الله يسهل عليك
هتفضل غالى عندى
وهفضل أحن ليك
بس رجوعى صعب
منك حصلى رعب
وخلتنى أشك فيك
وكل دا لأنى
الكدب مش مجالى

بهديك الورد مني
وفوق منوا ألف بوسة
يالى حبك ساكنى
وبعدك مسببلى حوسة
بس إيه بيدى
انت اخترت عندى
ورافص إجابة سؤالى
مع إن دا من حقى
اسأل عن شيئ شاغلنى

بهديك الورد مني

بلاش تدمع عليا
وتتهمنى بالاسية
وطبع وعادة فيا إللى
بيعاندنى
ويكون الحق ليا
أصبح عندى ماضى

بهديك الورد مني يا حب
غالى
يا حلم كان بيقاسمنى
سهر الليالي
يا حب غالى

من إبداعات
الشاعر
طه الروبى

اذكريني واذكري إللى عدى فى الهوى من إبداعات الشاعر طه الروبى

اذكريني واذكري
إللى عدى فى الهوى
بينك وبينى
واذكري ليالى سهرنا
والقمر شاهد حاضرنا
وأنا ليكي كنت أغني وإنتي
فيا بتسمعينى

اذكريني واذكري
كم غنوة ليكي كتبتها
والحب بينا كان لحنها
ودمع عينى

اذكري كم مرة اتقابلنا
ولا غير الود كان شاغلنا
وعنوا كنتي بتساليني

اذكري العهد إللى بينك
وبينى
واذكري وقت السهر
ولمة الطيور فى حضن
الشجر
ونجم عالى فى السما
بيه كنتي تشبهينى

اذكري لون القمر 
وضيوه معكوس فى
وقت السحر
لما كنت ليكي بغني
غنوة غرام لحنها
كان دمع عينى

اذكريني لو طال غيابى
بس اوعاكي تدقى بابى
ومن تانى توعدينى

اذكريني

من إبداعات
الشاعر
طه الروبى

ناس كتير محتاجة تفهم من إبداعات الشاعر طه الروبى

ناس كتير محتاجة
تفهم
محتاجة جرعة من
العلام
مش محتاج إنى أحلف ولا
أقسم
فيه كتير من الناس
نيام
والعقل منهم خارج نطاق
الدوام
ولما تتكلم معاهم أول
رد منهم
دلوقت الساعة كام

وناس كتير فهمين الحكاية
بس ليهم مشدود اللجام
عارفين إيه إللى حاصل
بس رافعين رايات السلام

وناس هما الأساس
فى كل مصيبة من البداية
وفى قانونهم الحلال حرام
يعنى الصح مش لازم يكون
حتى فى نطق الكلام

والغريبة هما اكتر حد
يقول عايزين نعمل ونعمل
ويوهموك بالاهتمام
وهما أصلا كل افعالهم
حرام
على الوشوش مرسومة
ضحكة
وجوا القلوب صراعات
وصدام
ولما تتكلم معاهم تسمع
منهم أحلى كلام
كلام مذوق كلام مغلف
بكل مودة وانسجام

بس الحقيقة بيحضروا
ليك القوس والسهام
ويرخوا ليك الخيط
لحد ماتنعس تنام

وانت نايم فى الطراوة
حواليك يكتر الزحام
وتبان ليك العداوة ويحصل
تغير الكلام
واللى شرق يبقى غرب
واليمن يبقى شام
ويبدأ عليك الهجوم
قبل ما تحاول تنهض
أو تقوم
ولا تتلفظ بالكلام

من إبداعات
الشاعر
طه الروبى

طول ما انت بتكدب ومتعمد تكدب من إبداعات الشاعر طه الروبى

طول ما انت بتكدب
ومتعمد تكدب
انسى إنى هفكر فيك
ولا تانى هرجع ليك

عشان ثبت الكدب عليك
بدل المرة قول عشرات
وكل مرة تقولى خلاص

هبطل من اليوم دا الحركات
وهبقى صافى وهخلص ليك

وترجع تكدب وتقول 
بنسى
انى وعدى وعهدى عطيك

منك ياما سمعت أنا كدب
ارجع ليك من تانى أنا
صعب
ولا حتى أسمع ليك

لو على المية هتحلف تجمد
صعب تانى أسمع ليك

نفسى تقولى إحساسك
إيه وقت أما بتكدب
وليه على طول من الصح
بتهرب
وتكدب إيه من اصله يخليك

هتخسر إيه لما تكون صادق
ولا الكدب ميته فيك

من إبداعات
الشاعر
طه الروبى